Salamanca Gizateriaren Ondasun Hiria izendapenaren XX urteurrenaren programaren barruan, Donostiako Orfeoiak Andaluziako Filarmonikarekin batera Arte Eszenikoak eta Musikaren Zentroan egingo den kontzertuan parte hartuko du datorren larunbata 6an. José Antonio Sainz Alfarok zuzenduko du eta Mozarten 40. Sinfonia (orkestrarako bakarrik) eta konpositore beraren Koroatzearen Meza interpretatuko dute. Obra honetan, bakarlariak izango dira José Luis Sola (tenorea) eta orfeoiko Elena Barbé (sopranoa), Ainhoa Zubillaga (mezzo) eta Jesús García Aréjula (baritonoa).
Kontzertu honekin, Salamancako Udaletxeak azken hiru hilabeteetan hiri monumental honetan ospatzen ari diren ihardunaldi musikalei bukaera emango die, tartean organo kontzertuak eman dituzte, Ensemble Contrasteren edo Coro Gregoriano De La Santak emandako emanaldiak, María Guerras piano jotzaile, María Bayo, Amsterdam Loeki Quartetok eta European Unión Baroque Orchestraren errezitaldiak.
