Javier Bustok eta Nerea Muruamendiaraz eta Olimpia Garcia ikerlariak (ex aequo) irabazi dute aurtengo Donostiako Orfeoia-UPV/EHU saria. Hamabigarren edizioa duen saria bi helbururekin sortu zen: musika-sortzaileen ibilbide profesionala aitortzea eta musika arloko ikerkuntza bultzatzea.
Epaimahaiak, bi erakundeek -Donostiako Orfeoia eta UPV/EHU- izenpetutako hitzarmenaren Jarraipen Batzordeak eratua, honakoak saritu ditu aurten: Javier Busto musikan burutu duen lan eta ibilbide bikainagatik, eta sari ex aequo bat Nerea Muruamendiaraz "Educación musical y danza tradicional, un estudio descriptivo" izeneko azterlanagatik eta baita Olimpia García López "Norberto Almandoz Mendizábal (1893-1970): Vida y obra" izeneko azterlanagatik ere.
Sariak abenduaren 15an (larunbata) banatuko dira, arratsaldeko 12.00etan, UPV/EHUko Gipuzkoako Campuseko Ignacio Mª Barriola Erakinaren Auditorioan (Elhuyar plaza, 1, Donostia). Ekitaldian hizlari izango dira José María Echarri, Donostiako Orfeoiko lehendakaria, eta Cristina Uriarte, UPV/EHUko Gipuzkoako Campuseko errektoreordea. Ekitaldiaren amaieran Donostiako Orfeoiak bere errepertorio tradizionaleko konposizio batzuk eskainiko ditu.
